сокралды тарихи-мәдени нысандарының

Орналасқан жері: Бесшымырау некрополі, Ақжігіт ауылынан 42 км оңтүстік бағытта орналасқан 

Координатасы: N 44 37.167; E 55 57.460 

Ескерткіштің сипаттамасы:  Некропольде орналасқан 100-ден астам ескерткіштер арасынан 34 ескерткіш мемлекеттік тізімге алынған. Олар күмбезтам-1, сағанатам, құлпытас-10, сағанатам-3, құлпытас-3, құлпытас, қойтас-8, құлпытас, тас қоршау-4, қойтас-5 болып келеді. Сәулет ескерткіштерінің кіші формадағы түрлері құлпытастар, қойтас және тас белгілер көптеп кездеседі. Күмбезтам, сағанатамдар Маңғыстау өлкесіндегі сәулет ескерткіштерінің  құрылыс салу дәстүріне тән, 3 қабатты болып келген. Күмбезтам жоспарда тік төртбұрышты, қабырғасы үш қабатты. Күмбезтамның ішкі қабырғасының жоғарғы жағын айналдыра қошқар мүйіз оюы боялған. Қабырғаларында тұрмысқа қажетті ыдыс-аяқ киім-кешектер бейнеленген. Қоршаулар өңделмеген тастардан қаланған, кей жерлерінде тігінен жерге қадалып қойылған.

Тарихи деректер, аңыз-әңгімелер: Некропольдің құрылуы және қалыптасуы туралы тарихи деректер жоқ.

1999 жылы маусым айында Д.М.Құлұмбаев басқаруымен экспедиция зерттеу жұмыстарын өткізген.

2007 жылы Көпенділердің мәдени мұра мәселелері бойынша ҚазҒЗИ экспедициясы кезінде зерттеу жұмыстарын жүргізген. Елдің айтуы бойынша бұл адайдың, түрікменадай бөлімінің некрополі. 

1. Күмбезтам: Адай руғы Түрікпенадай тайфасы Қадір Бөлімі Салық (Сиық) баласы Елубай мырза уфат болды 42 жасында 1315.

2. Сағанатам, құлпытас: Адай руы Бегей тайфасы Малай бөлімі Қосақбай баласы Жақсылық уфат болды?? жасында.-деп жазылған. 

Дерек көзі: "Маңғыстау мемлекеттік тарихи-мәдени қорығы" ММ құжаттары. 

Н.А.Құлбаевтың «Арал-Каспий аралығы тарихи-мәдени ескерткіштеріндегі араб графикалық мәтіндердің анықтамалығы» кітабы 1 том Алматы-2015ж.