Нысандар
Картаға енген нысындардың тізімі
Манашы некрополі
Орналасқан жері: Манашы некрополі, Бейнеу ауылынан 25 км оңтүстік-шығыс бағытта орналасқан
Координатасы: N45 01.24; E55 00.628
Ескерткіштің сипаттамасы: Манашы некрополі Бейнеу ауданы Бейнеу станциясынан 25км оңтүстік-шығыс бағытта, Манашы сайының шығыс бағытында орналасқан. Некрополь сәулет ескерткіші ретінде Халық депутаттарының Маңғышлақ облыстық кеңесінің атқару комитетінің 24.10.1987ж. №496 шешімі бойынша жергілікті дәрежеде мемлекеттік қорғауға алынған. Қорымда XVII-XIX ғғ. кезеңдерімен шамаланатын 80-ге жуық кіші пішінді сәулет ескерткіштері шоғырланған. Ескерткіштер қатарында жоғарғы бөлігі доға тәрізделген немесе өңделген 4 қырлы құлпытастар, жартылай өңделген плита тәріздес тастардан қақпақсыз етіп жасалған сандықтастар, қадақ тастардан тұрғызылған және шала өңделген тастардан төртбұрыш пішіндерінде қаланған тас қоршаулар, антропоморфтық үлгідегі тас белгілер кездеседі. Алайда қазіргі таңда сәулет пішіндерінің көпшілігі атмофералық кері әсер ету салдарынан әр түрлі күйреулерге (мүк шалу, мүжілу, үгітілу, сыну, құлау т.б.) ұшыраған, құрылыстары бұзылып бастапқы пішіндері мен көркемдік келбетін жоғалтқан.
Қорымдағы ескерткіштердің тарихи-мәдени құндылықтарының қазіргі таңдағы сақталыну деңгейіне байланысты 10 ескерткіш есепке алынған.
Тарихи деректер, аңыз-әңгімелер: Ескерткіштің салыну тарихы, авторы туралы нақты деректер жоқ.
Ескерткішке алғашқы рет 1979 жылы Қазақ ССР мәдениет Миистрлігінің Атырау экспедициясы зерттеу өткізген.
2007 жылы маусым айында қорық қызметкерлерінің экспедициясы барысында зерттеу, құжаттандыру жұмыстары жүргізілген.
1979 жылы Қазақ ССР мәдениет Министрлігінің Атырау экспедициясы өткізілген жұмыстар бойынша Т.Джанысбековтың қорытынды есебінде. «Казпроектреставрация» институтының архивінде.
Дерек көзі: "Маңғыстау мемлекеттік тарихи-мәдени қорығы" ММ құжаттары.
Оқылған саны: 493
