сокралды тарихи-мәдени нысандарының

Орналасқан жері: Тілеміс қорымы XVIII - XX ғасырлар  Боранқұл ауылынан шығысқа қарай 92,5 км жерде орналасқан.  

Координатасы: N 046⁰ 07, 541; ´ E 055⁰ 58, 486´ 

Ескерткіштің сипаттамасы: Қорымда 40-қа жуық объект бар. 15 ескерткіш мемлекеттік есепке алынған. Оның ішінде: 2 күмбезтам, 1 сағанатам, 1 сағанатам мен құлпытас, 1 пирамидасы бар құлпытас (төрттас), 5 қойтас және 5 құлпытас. Барлық күмбезтамдар жоспары бойынша төртбұрышты, порталды-күмбезді түрі. Күмбезтам №1 қорымының оңтүстік бөлігінде орналасқан. Күмбезтам жоспарда тікбұрышты етіп қаланған, табан тасқа орнатылған қабырғаларының ортасы жартылай өңделген орташа пішіндегі ұлу тастармен толтырылып, сыртынан төртбұрышты плиталармен көмкерілген. Жоғарғы бөлігі шеңбер тәрізделе қашалған. Кірісі оңтүстікке бағытталған. Қабырғаларында жануарлардың бейнелері, тұрмыстық заттар және арабографиялық жазулар бар. Өлшемі: 613 х 634 х 535 см. Қорымның солтүстік-шығыс бөлігінде №1-ші күмбезтамға ұқсас тағы да 1 жартылай қираған күмбезтам №8 бар. Өлшемі: 402 х 367 х 351 см. Сағанатам №11 қорымның солтүстік бөлігінде орналасқан. Сағанатам өңделген плиталардан қапталып, ортасына саз балшық толтырылып, жоспарда тіктөртбұрышты пішінде қаланған. Оңтүстік қабырғасын сәл көтеріңкі етіп, сол қабырғасынан ойық шығарылған. Өлшемі: 502 х 346 х 208 см. Барлық объектілердің материалдары: құмды әктас. 

Дерек көзі: "Маңғыстау мемлекеттік тарихи-мәдени қорығының" мұрағаттық құжаттары.